Detalle - armamuseoa

1941. urteaz geroztik, artean Arabako Etxea edo Lurraldeko Museoa zeritzon eraikinean, arma bilduma erakusten zen eta bilduma horretan oso pieza esanguratsuak gordetzen ziren, hala nola, XV. eta XVIII. mendeen arteko ezpatak, armadurak edo baleztak. Horiek guztiak garai horretan museoan erakusten ziren izaera orokorreko funtsen gordailu gisa -artea, arkeologia, numismatika…- jasota zeuden.

1963. urtean, Gasteizko Gudua gertatu zenetik 150. urteurrena zela eta omenezko ekitaldiren bat antolatzeko helburuz, erakusketa handia jarri zen hainbat erakunderen ekimenez “El Portalon” eraikin historikoan. Erakusketa hartan, Independentzia Gerrari lotutako arma, dokumentu eta askotariko objektuak erakutsi ziren, batez ere, Gasteizko Gudari lotutakoak. Han bildutako funtsak, besteak beste, Arabako Foru Aldundiarenak, Gasteizko Udalarenak eta bildumazale pribatu batzuenak ziren, baina pribatuen artean, Gasteizko enpresaburu, mezenas eta bildumagile Félix Alfaro Fournier nabarmendu behar dugu, herrialde eta garai askotako arma bilduma garrantzitsua osatu baitzuen.

Erakusketak izan zuen arrakastaren ondorioz, funtsak modu iraunkorrean erakustea erabaki zen. Gainera, bilduma arian-arian handitzen joan zen dohaintza eta erosketei esker, eta bilduma osatu, egonkor eta antolatuago bilakatu zen. Helburu horrekin bat etorriz, Félix Alfaro Fournier jaunak bilduma osoa eman zion dohaintzan 1966. urtean Arabako Foru Aldundiari eta, urte horretan bertan, Arkeologia Museoaren aldamenean, Arabako Arma Museoa zabaldu zen Gobeo-Guevara San Juan familiaren Arma Etxean, Gasteizko alde zaharraren bihotzean.

Espazio falta agerikoa izan zen berehalakoan eta, beraz, beste kokaleku bat bilatu behar izan zen. Eta Arabako Foru Aldundiak Ajuria Enea jauregia eskuratu zuenean Euskal Artearen Museoa bertan kokatzeko, alboko eraikin bat baliatu zen Arabako Arma Museoa egokitzeko. 1975. urtean, bildumaren funtsa guztiak hara eraman ziren eta gaurdaino egon dira bertan gordeta.

Arabako Foru Aldundiaren Arma Museoak gaur egungo kokalekuan, Ajuria Enea Jauregiko frontoian, mende erdia daramala ospatuko du 2025ean. 1941az geroztik, bilduma hainbat egoitzatan egon da ikusgai, hala nola Arabako Etxean, Portaloian eta Gobeo-Guevara San Juandarren Arma Etxean, harik eta 1975ean gaur egun dagoen kokalekura eraman zuten arte.

Museoa armen historiaren eta bilakaeraren erreferente izatera iritsi da. Historiaurretik XX. mendera arteko piezak ditu: armadurak, arma zuriak, su armak eta ezin konta ahala istorio kontatzen dituzten pieza paregabeak. Urteurren honetan, eraikin enblematiko honetan bost hamarkada daramatzala ospatzeaz gain, museoak ondare historikoaren kontserbazioarekin eta zabalkundearekin duen konpromisoa ere ospatuko du. Erakusketa iraunkorraren eta hezkuntza jardueren bidez, Arabako Arma Museoak adin guztietako bisitariak erakartzen ditu, eta iragana esploratzera eta orainean duen eragina ulertzera gonbidatzen ditu. Arabako historia eta kultura ospatzeko une gogoangarria da.

Museoak liburutegi espezializatua dauka. Horren bibliografia bildumaren ikerkuntza eta dokumentaziora bideratuta dago.

Asteartetik ostiralera: 10:00 – 14:00

Hitzordua hartuta: 945 181925 edo museoarmeria@araba.eus  

IRISGARRITASUN FISIKOA

• Sarbide, komun eta igogailu irisgarriak
• Ikustaldia egiteko doako gurpildun aulkiak
• Mostradore egokitua

ENTZUMENERAKO IRISGARRITASUNA

• Begizta magnetikoa harrera mahaian

IKUSMEN IRISGARRITASUNA

• Baimenduta dago itsu txakurrak museora sartzea
• Irakurketa errazteko laguntza teknikoak dituen kita

• Doako audiogidak museoko harrera mahaian
• Gailu mugikorrean entzuteko edukiak aretoetako QR kodeen bidez
• Audiogiden deskarga web orri honetatik

• Hezkuntza programak 
• Bisita gidatuak eta dinamizatuak 
• Lantegi didaktikoak 
• Familientzako programak 

Informazio eta erreserbatzeko telefonoa: 945 181925

educacionmuseosyarqueologia@araba.eus

Arabako Arma Museoak bere bildumako british bulldog errebolberra .

Michelle Angiolillo anarkista italiarrak Antonio Cánovas del Castillo gobernuko presidentea hiltzeko erabili zuen arma da. Hilketa 1897. urtean izan zen, Cánovas del Castillo Arrasateko (Gipuzkoa) Santa Ageda bainu-etxean zegoela.

Erakusketaren komisarioa Antonio Rivera izan da.