Feltro beltz argizariduneko adar biko kapela espainiarra. Inguruan, zeta beltzezko banda apaingarri bat dago, irazki oso lodiekin eta motibo apaingarriarekin. Eskarapela gorri batez eta zilarrezko galoi metaliko batez apaindua, anagramarik eta ezkuturik gabeko urrezko botoiarekin. Barrualdea larruz eta oihalez estalita dago horma erdian. Eskarapelaren armadura paper berdexkazkoa da.

Miguel Ricardo Alaba Eskibel, Alaba jeneralarena izan zen. Gasteizen jaio zen, 1772ko otsailaren 7an, tradizio militarreko familia noble baten baitan. Bere karreran Espainiako eta Europako historiaren gertaera gogoangarri eta garrantzitsuak bizi izan zituen, gehienbat Independentziako Gerrari edo Frantsesteari lotutakoak.

Trafalgarreko gudan parte hartu zuen eta, zenbait urtetan politikan jardun ondoren, berriro ere sartu zen armadan, frantsesen okupazioaren kontra borroka egiteko. Wellingtonek, penintsulako armada aliatuaren agintea zeukan militar ingelesak, laguntzaile izendatu zuen eta harrezkero harreman profesional eta adiskidantzazko luze eta sendoak izan zituzten. Haren ondoan, borroka garrantzitsuetan hartu zuen parte, esate baterako Fuentes de Oñorokoan, Ciudan Rodrigokoan edo Gasteizko Gudan, bai eta Napoleonek Waterloon izandako azken porrotean ere.