Eduki publikatzailea

Nabarmendutako piezak

Gerra eta ehiza balezta alemaniarra

Erdia Aroko Europan arkua eta gezia ez ezik balezta ere erabili ohi zen; azken tresna hori, gaur egun ezagutzen dugun moduan, X. mendetik XI.era bitartean agertu zen. Zenbait garaitan koldarren armatzat hartua izan zen, eta nobleziak eta elizak ahaleginak egin zituzten haren erabilera galarazteko, baina hain zen ahaltsua eta erabilerraza, ezen itsasoko nahiz lehorreko borroka eta gerretan ohiko lanabes bihurtu baitzen XIII. mendetik XV.era bitartean. Tarte hori gaindituta, gehienbat ehizarako erabiltzen jarraitu zuten.

Gerra eta ehiza balezta alemaniar honetan ikusten den bezala, altzairuzko arku labur batek eta zeharka lotzen den taula batek osatzen dute baleztaren egitura. Baleztaren taula edo makila, azken batean, apainduta ager daitekeen zurezko euskarri bat besterik ez da. Kasu honetan taula apaindu dute marfilezko inkrustazioak eta loreen nahiz animalien irudiak erabiliz.

 

Suzko armak agertu baino lehenago, honako hauxe zen armarik aurreratuena eta beldurgarrienetariko bat; izan ere, jaurtitzen zituen metalezko gezi edo dardoak 300 metrora irits zitezkeen eta plakazko armadurak zula zitzaketen. Aitzitik, jaurtiketa erritmoa ez zen handia eta denbora eta indarra behar ziren, arkua berriro ere tenkatu ahal izateko.

 

XVI. mendea

Zura, metala eta marfila
58 x 61 cm

[0475 zk]

Nabarmendutako beste pieza batzuk

Ruta cercana

Gurpil giltza duen pistola alemaniarra

XVI. mende amaieratik XVII. mende hasierara bitartekoa

Ikusi gehiago
Ruta cercana

The Glorious victory of Vittoria in Spain

1813

Ikusi gehiago
Ruta cercana

Cánovas del Castillo hiltzeko erabili zen errebolberra

XIX. mendearen bigarren erdia

Ikusi gehiago